ក្រសួងការងារប្រកាសជ្រើសរើសអ្នកជំនាញការឲ្យចូលបម្រើការងារនៅ ប.ស.ស. ចំនួន ២០រូប

ក្រសួងការងារប្រកាសជ្រើសរើសអ្នកជំនាញការឲ្យចូលបម្រើការងារនៅ ប.ស.ស. ចំនួន ២០រូប

តាមរយៈសេចក្ដីជូនដំណឹងរបស់ក្រសួងការងារនិងបណ្ដុះបណ្ដាលវិជ្ជាជីវៈ ចុះថ្ងៃទី៣ ខែកញ្ញា ឆ្នាំ២០២៥ បេឡាជាតិសន្តិសុខសង្គម ហៅកាត់ថា ប.ស.ស. នៃក្រសួងការងារ និងបណ្ដុះបណ្ដាលវិជ្ជាជីវៈ បានប្រកាសជ្រើសរើសអ្នកជំនាញការចំនួន២០រូប ឲ្យចូលធ្វើការនៅស្ថាប័នរបស់ខ្លួន ដោយនឹងបិទឈប់ទទួលពាក្យត្រឹមថ្ងៃទី១៦ ខែកញ្ញា ឆ្នាំ២០២៥។

សមាសភាពដែលនឹងត្រូវជ្រើសរើសមានដូចខាងក្រោម៖

1. អ្នកជំនាញអភិវឌ្ឍកម្មវិធីគេហទំព័រជាន់ខ្ពស់ (Senior Frontend Developer) ចំនួន ០៣ រូប
2. អ្នកអភិវឌ្ឍកម្មវិធីផ្នែកខាងក្រោយជាន់ខ្ពស់ (Senior Backend Developer) ចំនួន ០៣ រូប
3. អ្នកអភិវឌ្ឍកម្មវិធីទូរសព្ទឆ្លាតវៃ (Smart phone) ចំនួន ០២ រូប
4. អ្នកគ្រប់គ្រងកម្មវិធីផ្នែកអភិវឌ្ឍកម្មវិធី (Project Manager) ចំនួន ០២ រូប
5. អ្នករចនាសម្ព័ន្ធទិន្នន័យ និងវិស្វករទិន្នន័យ (Data Architecture & Data Engineer) ចំនួន ០៣ រូប
6. អ្នកជំនាញវិភាគទិន្នន័យ ទស្សនីយកម្មទិន្នន័យ (Data Analytics & Visualization)ចំនួន ០២ រូប
7. អ្នកជំនាញវាយតម្លៃហិរញ្ញវត្ថុ (Actuarial Valuation) ចំនួន ០៣ រូប
8. គណនេយ្យករជំនាញ (CPA) /ត្រួតពិនិត្យផ្ទៃក្នុង (Internal Control) / សវនកម្មផ្ទៃក្នុង (Internal Audit) ចំនួន ០១ រូប
9. អ្នកវិភាគហិរញ្ញវត្ថុជំនាញ (CFA) / អ្នកវិភាគការវិនិយោគ (Investment Analyst) / អ្នកគ្រប់គ្រងវិនិយោគ (Investement Manager) ចំនួន ០១ រូប

លក្ខខណ្ឌនៃការជ្រើសរើសមានដូចខាងក្រោម៖

• ត្រូវមានសញ្ជាតិខ្មែរ
• គោរពក្រមសីលធម៌វិជ្ជាជីវៈ និងពុំធ្លាប់ជាប់ទោសពីបទឧក្រិដ្ឋ ឬមជ្ឈិម
• មិនស្ថិតនៅក្នុងក្របខ័ណ្ឌជាមន្ត្រីរាជការ

សម្រាប់ឯកសារភ្ជាប់ត្រូវមានដូចខាងក្រោម៖

• សេចក្ដីថតចម្លងសញ្ញាបត្រជំនាញ (មានការបញ្ជាក់ពីអាជ្ញាធរដែនដី) ចំនួន ០១ ច្បាប់
• អត្តសញ្ញាណប័ណ្ណសញ្ជាតិខ្មែរ (មានការបញ្ជាក់ពីអាជ្ញាធរដែនដី) ចំនួន ០១ ច្បាប់
• លិខិតបញ្ជាក់ពីបទពិសោធន៍ការងារ ចំនួន ០១ ច្បាប់